ඉදිකිරීම් කටයුතු
ශතවර්ශයකටත් අධික අභිමානවත් අතීතයකට උරුමකම්
කියන වර්තමාන නගරගිරි මහ විදුහලේ ආරමිභය මුලින්ම සනිටුහන්වන්නේ ගල්කොන අම්බලමකය.
පසුව ක්‍රමවත්ව 1882 වන විට කපූරැක්ක පන්සලේ තාවකාලික බණ මඩුවේදී ආරම්භ කර ඇත. ඵ්
සඳහා මූල් වී කටයුතු කර ඇත්තේ සමරකෝන්
මුදියන්සේලාගේ මුදියන්සේ නැමැති අයෙකී. එබැවින් විදුහලේ ආදිකතෘ ලෙස සැලකිය හැක්කේ එතුමන්ය.
1893 ජනවාරි 9 වැනි දින විදුහල වර්තමානයෙහි
පවතින ස්ථානයට ගෙන ආ අතර හෙම්මාතගම පිරිමි විද්‍යාලය ලෙස ආරම්භ වී ඇත. පාසල් ඉඩම
පරිත්‍යාග කර ඇත්තේ හෙම්මාතගම අධීකාරී පවුලේ අය විසිනි.
1895 වන විට ගුරු නිවාසයක් සභිත ස්ථීර ගොඩනැගිල්ලක්ද ඉදිවී ඇත.1940 වන
විට ස්ථීර ගොඩනැගිල්ල සහ තාවකාලික ගොඩනැඟිලි දෙකකින් සමන්විත වු අතර තාවකාලික ගොඩනැගිලිවල
පිදුරු සෙවිලිකර ඇත්තේ අවට ගම්වල ආරච්චිල
වරු විසිනි.
දැනට
කාමරශාලා ඇති කොටස පිට්ටනියක් ලෙස පැවති අතර පඩිපෙළ පැරණි මාර්ගය විය.1960 වන විට පිට්ටනිය තිබූ කොටසේ ගොඩනැගිල්ලක් ඉදවී
ඇති අතර විද්‍යාගාරයද ඉදිවී ඇත.60ˣ15, 55ˣ15, 45×15
ගොඩනැගිලි කිහිපයකම වැඩ කටයුත මේ වන විට
නිම වී තිබුණි. දැනට පවතින පිටිටනියද, ප්‍රාථමික අංශ‍යෙභි ගොඩනැගිල්ලද මෙම අවධිය තුළ ආරමිභ
වී ඇත.
1974 වන විට දන්ත චිකිත්සාගාර ගොඩනැගිල්ලද
ඉදි වී ඇත.1979 වන විට පුස්තකාල ගොඩනැගිල්ලද ඉදි කල
අතර එය වර්තමානයේදී කාර්යාලය ලෙස භාවිතා වෙයි.1980 වන විට 60*20 ගොඩනැගිල්ලක්
ද 1982 වන විට 60*20 ගොඩනැගිල්ලක් ද 1982 වන විට පැරණි දෙමභල් ගොඩනැගිල්ල ද 1997-02-28 වන විට නව දෙමහල් ගොඩනැගිල්ල ද ඉදිවී ඇත.2009-02-23 වැනි දින නව තෙමහල් ගොඩනැගිල්ලේ මුල් අදියර වන
දේශන ශාලාව විවෘත කරන ලදි.
අධ්‍යාපන ප්‍රගතිය
ළමුන් 11 දෙනෙකු සහ ගුරුවරු දෙදෙනෙකුගෙන් සමන්විත පන්සලේ බණ මඩුවෙන් ආරමිභ වු
පාසල හෙම්මාතගම පිරිමි විද්‍යාලය ලෙස
ඇරඹෙන විට දොන් අල්විස් මහතා මුල් ගුරුවරයා විය. ඒ වන විට ළමුන් 43 දෙනෙකු දක්වා ශිෂ්‍ය සංඛ්‍යාව වර්ධනය වී
තිබුණී.1922 වන
විට මුල් ගුරුවරයා සහ උප ගුරුවරු තුන් දෙනෙකු වූ අතර ළමුන් 125 දෙනෙකු අධ්‍යාපනය ලබා දී දෙන ලදි.
1935 වන විට ඉංගිසි ගුරුවරයෙකු පැමිණී ඇති
බැවින් ඉංග්‍රීසි ඉගැන්වීම ආරමිභ කර ඇති අතර ගුරු මණ්ඩලමයේ පුහුණූ ගුරුවරයෙකු සිටි
බැවින් ජේෂ්ඨ පන්ති පැවැත්වීමටද යෝජනා කර තිබුණී. 1940 වන විට ශිෂ්‍ය සංඛ්‍යාව 228
ක් වු අතර කණීෂ්ඨය දක්වා පංති පැවැත්විය.1951-11-01 දින සිට හෙම්මාතගම කණීෂ්ඨ පාඨශාලාව
ලෙස උසස් කර ඇත.හෙම්මාතගම පිරිමි විද්‍යාලය ලෙස මුලදී ආරමිභ වුවත් පසුව මිශ්‍ර
පාසලක් ලෙස පවත්වා ගෙන යනු ලැබිය. 1958 වන විට උසස් පෙළ පන්ති ආරමිභ වී ඇත.
1958-02-07 වැනි දින මහා විද්‍යාල තත්වයට පත් ව ඇත. මේ වන විට ගුරැවරැන් 12 ක් හා
සිසුන් 505 දෙනෙකු අධ්‍යාපන කටයුතුවල නිරතව ඇත. උසස් පෙළ පන්තියෙහි සිසුන් 4 දෙනෙකු
අධ්‍යාපනය ලබා ඇති අතර විෂයයන් හතරම උගන්වා ඇත්තේ එකම ගුරුවරයෙකි. එම ගුරුවරයා වූයේ
w.p වික්‍රමපාල මහතාය. සිසුන් හතර දෙනාටම සරසවි වරම්
ලැබී ඇත. මුල්වර විශ්ව විද්‍යාල වරම් ලැබූවෝ Y.ලක්ෂ්මන් විජේනායක රඹුක්කන, I කරැණාතිලක පත්තම්පිටිය, තිලකරත්න
නරහම්පිටීය ,සුමනාවතී යන අය වෙති.
මෙම අවධිය වන විට කණිෂ්ඨ සහ ද්විතීයික ලෙස ගුරු
මණ්ඩලය පවත්වාගෙන ගියත් එය ඵ්කාබද්ධකර 1971-01-21 දින නගරගිරී මහා විදයාලය නමින්
අභිමානවත් ඉදිරිගමනක් ආරම්භ කර ඇත.මේ වන විට ගුරු මණ්ඩලය 46 දෙනෙකු වූ අතර සිසුන්
1187 අධ්‍යාපනය ලබා ඇත.
වර්තමානය වන විට අධ්‍යාපන කටයුතු තව දුරටත්
පුඵල් වෙමින් නැටුම්, සංගීත චිත්‍ර යන අංශවලින් සමින්විත සෞන්දර්ය අංශයද , ඉදිකිරීම් තාක්ෂණය,
කලාශිල්ප ගෘහ ආර්ථික විද්‍යාව, වාණිජ විද්‍යා අංශවලින් යුක්ත තාක්ෂණික අංශයද, කලා විද්‍යා වාණීජ අංශවලීන් සමන්විත උසස් පෙළ පන්තිද
පැවැත්වෙයි. අභ්‍යන්තර ඇමතුම් පද්ධතියක් ක්‍රියාත්මක වන අතර 2004 වසර වන විට පරීගණක
තාක්ෂණික පහසුකම් ද ලැබී ඇත.
යටත් විජිත අවධිය තුළ පැවති තත්ත්වය
යටත් විජිත අවධිය තුළ පාසැලේ පරිපාලන කටයුතු
සඳහා ගම්මුලාදෑනි තැනගේ සහයෝගය දක්නට ලැබේ. මූල් අවධියේ පාසලේ පැවතී තාවකාලික ගොඩනැගිලි
වල ගොම ගා පොල් අතු සෙවිලිකර ද ඇත්තේ
ගමිමූලාදැනිතැනගේ සහභාගිත්වයෙනි. නිවාඩුකාලයේ දී පාසලේ බඩු බාහිර ආදිය ආරක්ෂාව
සඳහා පවරා ඇත්තේද ගමිමූලාදෑනි තැනටය. එමෙන්ම
අධිරාජ්‍යවාදින්ගේ අවශ්‍යතා වලට අනුව පාසැලේ නිතර උත්සව පවත්වා ඇති අතර ඵ් සඳහා සංග්‍රහ
කටයුතු කර ඇත්තේ ද ගම්මුලාදෑනි තැන මැදිහත්වීමෙනි.
“3.6.25 පස්වැනි ජෝර්ජ් අපමහා රාජෝත්තමයාණන්
වහන්ලස්ගේ උපන්දිනය වු මෙදින පාඨශාලාව අත්‍යාලංකාරලයෙන් සරසා ළමුන් 268 දෙනෙක් සහ
පැමිණී 50 ක් පමණ පිරිසට බත් මාළු ආදියෙන්
සංග්‍රහ කොට සෙල්ලම් පවත්ව සතුටින් සමාප්ත කළා “
මෙසේ සෑම වසරකම බ්‍රිතාන්‍ය මහ මහ රැජිනගේ ජන්මොත්සව
මහා ඉහළින් පවත්වා ඇත.
“1926.5.3 රාජෝත්තමයාණන්ගේ රීදි ජුබ්ලීය අත්‍යාලංකාරෙයන්
පැවැත්විය“
“28.1.36 මහා රාජෝත්තමයාණන්ගේ අවමංගල්‍යය වෙනුවෙන්
කලූකොඩි ඹසවා ඇත”
මෙසේ යටත් විජිත අවධිය බ්‍රිතාන්‍ය අධිරාජ්‍යවාදීන්ගේ
අවශ්‍යතාවලට අනුව පාසලෙහි කටයුතු සංවිධානය වී තිබුණි.
(පාසලේ
ලොග් සටහන් පොතෙන් උපුටා ගන්නා ලදි.)
